Gjashtë vite nga “Nëntori i tretë”, ngritja e flamurit të Shqipërisë së madhe në Beograd.14 tetori 2014 është shënuar në kalendarin e çdo tifozi shqiptar të futbollit.Në këtë ditë, në Beograd ka ndodhur njëra nga ngjarjet më të shëmtuara që i ka ndodhur sportit më të bukur në Botë. Futbollistët e Kombëtares Shqiptare u gjendën të vetëm por të patrembur në mesin e mijëra tifozëve të tërbuar serb, shkruan Indeksonline. Kjo ndodhi pasi mbi stadiumin e Partizanit fluturoi një dron që mbante flamurin e Shqipërisë së madhe bashkë me dy figurat kombëtare, Ismail Qemali dhe Isa Boletini.Ndeshja u ndërpre në fund të pjesës së parë si pasoj e futjes së tifozëve serb në fushë duke i sulmuar futbollistët shqiptar për të mos përfunduar kurrë më.UEFA fillimisht vendosi në favor të Serbisë duke i dhënë tri pikë në tavolinë, por Gjykata e Arbitrazhit Sportiv vendosi në favor të Shqipërisë madje duke e dënuar Serbinë.Në këtë kualifikime Shqipëria e drejtuar nga Gianni de Biazi siguroi pjesëmarrjen në Kampionatin Evropian në Francë në vitin 2016.