მოგესალმებით.
 ქართული სათაურით ვერ დავდე, ამიტომ ლათინურს ვცდი. 

რამდენიმე დღის წინ დასანანად წავაგეთ ერთი ომი, მცირე ანალიზს შემოგთავაზებთ და სასარგებლო რჩევას მოგცემთ. ბევრი ახალია, ვერ ერკვევა თამაშის მექანიზმში, ამიტომ რაც მოხდა კანონზომიერებაა, თუმცა იმედია მომავალში თავიდან ავირიდებთ ასეთ შემთხვევებს. 

მაშ ასე:

თავი პირველი:  ერთი წაგებული ომის ანალიზი 

რამდენიმე დღის წინ, ჩვენი არმია უტევდა პოლონეთის ქალაქ ვარშავას. 

ბრძოლის შედეგები შეგიძლიათ იხილოთ აქ.

https://www.edominations.com/en/battlefield/786/1

დავმარცხდით 2-8 ანგარიშით, თუმცა საერთო ჯამში დაახლოებით 6 მილიონით მეტი ზიანი მივაყენეთ მტერს.




რატომ დავმარცხდით? 

ომის მექანიზმი მარტივია. 
თამაშში არის 5 რაუნდი.
თითოეული რაუნდი გრძელდება 8 საათი.
პირველი რაუნდის მოგება იძლევა 2 ქულას, მეორე რაუნდის - 3 ქულას, ხოლო მესამე რაუნდის მოგება იძლევა 5 ქულას.
იმ შემთხვევაში თუ საბოლოო ანგარიში იქნება 5-5, ანუ 1 მხარე მოიგებს პირველ ორ რაუნდს, ხოლო მეორე მხარე მოიგებს მესამე რაუნდს,  მაშინ უპირატესობა ენიჭება იმას, რომელიც მთელი ომის განმავლობაში მეტ ზიანს მიაყენებს მტერს. 

ამ ბრძოლაში, პირველ რაუნდში ჩვენ 16 მილიონიანი უპირატესობით მოვიგეთ. 



თუმცა 40 ათასის სხვაობით წავაგეთ მეორე რაუნდი.



რა მოხდებოდა რომ მოგვეგო მეორე რაუნდი?

მტერი იძულებული იქნებოდა, მესამე რაუნდი მოეგო მინიმუმ 16 მილიონიანი უპირატესობით, იმიტომ რომ 2 რაუნდის შემდეგ ჩვენ გვექნებოდა 5 ქულა და +16 მილიონი ზიანი.  

შესაბამისად, მტერმა, მეორე რაუნდის მოგებით ჩვენი 16 მილიონი გაანულა, და პირველ და მეორე რაუნდს  მნიშვნელობა დაუკარგა, ჩვენს მიერ პირველ რაუნდში დადებული 16 მილიონით მეტი ზიანი, მათ მიერ მეორე რაუნდში დადებული 40 ათასით მეტი ზიანის ტოლი გახდა, იმიტომ რომ მესამე რაუნდისთვის ანგარიში უკვე 2-3 იყო, და იგებდა ის, ვინც მოიგებდა მესამე რაუნდს და პირველ და მეორე რაუნდს აზრი დაეკარგა. 

მესამე რაუნდი წავაგეთ, 11 მილიონიანი სხვაობით. 



შესაბამისად ჯამში დადებული 6 მილიონით მეტი ზიანის მიუხედავად, დავმარცხდით რაც დასანანია და რომ არა წაგებული მეორე რაუნდი, მოვიგებდით მთლიან ბრძოლას. 

ამიტომ ძალიან მნიშვნელოვანია, როდესაც პირველ რაუნდს მოვიგებთ დიდი უპირატესობით, შევინარჩუნოთ ეს უპირატესობა იმით, რომ მეორე რაუნდსაც მივაყოლებთ და ანგარიშზე 5-0 + ჩვენს სასარგებლოდ დადებული დიდი ზიანით, მტრის მიერ მესამე რაუნდში გაფართხალების მცდელობას აზრი ეკარგება. 

ანალოგიური წესით ჩვენ შეგვიძლია ვიმოქმედოთ მტრის წინააღმდეგ, თუ პირველ რაუნდში სხვაობა დიდია მათ სასარგებლოდ, შეგვიძლია დავიკიდოთ პირველი რაუნდი, მოვუგოთ მეორე და პირველ რაუნდში მიღებული უპირატესობა გავუბათილოთ. 

ახლა გადავიდეთ მეორე საკითხზე.


თავი მეორე: ბრძოლა ბოლო წუთებზე

ბოლო წუთებში ხშირია შემთხვევა, როდესაც მტერი მასირებულად ახორციელებს იერიშს. მტრის ან ჩვენს მიერ მიყენებული ზიანი მომენტალურად არ აისახება ე.წ. ,,კედელზე ანუ რაუნდის პროცენტებზე და რომ გავიგოთ, გვესვრის თუ არა მტერი და რა მდგომარეობაშია კედელი საჭიროა მივმართოთ შემდეგ ხერხს: 

უნდა დაარეფრეშოთ ხშირად, მაგალითად 10 წამში ერთხელ, და ყოველი დარეფრეშების შემდეგ დააკლიკოთ ამ 2 ღილაკიდან ერთ-ერთს: 


პირველს აკლიკებთ იმ შემთხვევაში, თუ რაუნდის შედეგები გვაინტერესებს მხოლოდ, და რაუნდის მოგებაზე ვართ კონცენტრირებულები. 
მეორეს ვაკლიკებთ იმ შემთხვევაში, თუ საერთო შედეგია მნიშვნელოვანი. ეს ძირითადად მაშინ ხდება, როდესაც ერთი მხარე იგებს 5-0-ს, და მესამე რაუნდის ბოლო წუთებში ვურტყამთ, ან გვირტყამენ და გვინდა გავიგოთ საერთო ზიანი, ვის მხარესაა.

დარეფრეშების და ამ ღილაკებზე დაჭერის შემდეგ, შეამოწმეთ მხოლოდ ეს,





ანუ შეამოწმეთ მხოლოდ რამდენია თქვენი ან/და მტრის ზიანი. 
ამ ციფრებს შეადარებთ წინა დარეფრეშებისას დამახსოვრებულ ციფრებს, და ნახავთ სხვაობას. 

თუ მტრის ზიანი სწრაფად იზრდება, თქვენი ზიანისგან განსხვავებით, ე.ი. საჭიროა ტემპის მატება. 


ჩემი დაკვირვებით ესაა ყველაზე უტყუარი ხერხი, გაიგო თუ რა ხდება ბრძოლის ბოლო წუთებში, და საჭიროა თუ არა ზიანის დამატება. 


და მესამე საკითხი:

თავი მესამე: არა - გინებას, დაცინვას, გადაგდებას და ა.შ.

ამ თამაშში ძალიან მნიშვნელოვანია ქვეყნის რეპუტაცია. ქვეყნის რეპუტაციას და იმიჯს თავის მხრივ მოთამაშეები ქმნიან.
ხშირად მინახავს კედელზე ჩვენიანის მიერ დაწერილი შეურაცხმყოფელი გამონათქვამი/მიმართვა წაგებული ომის შემდეგ მტრის ჯარისკაცის ან მტერი ქვეყნის წინააღმდეგ, ან დამცინავი კომენტარები მოგებული ომის შემდეგ. ასევე, ძველ, მსგავს თამაშებში ხშირი იყო ჩვენიანის მიერ სხვა ქვეყნის მოქალაქის ,,გადაგდება, ანუ შავ ბაზარზე მისგან რამის ყიდვა და შემდეგ ფულის არ გაგზავნა. ეს უკანასკნელი ამ თამაშში ჯერ არ ყოფილა და თხოვნა იქნება ასე ნუ მოიქცევით.

ყველა ზემოთხსენებული, აზიანებს ჯერ თქვენს რეპუტაციას, შემდეგ კი ქვეყნისას. 

ნუ დაგავიწყდებათ, რომ ეს მხოლოდ თამაშია, და ვთამაშობთ იმიტომ რომ გავერთოთ. ამიტომ, ხან წავაგებთ, ხან მოვიგებთ, მაგრამ ამის გამო სხვებს ნუ გავლანძღავთ, ნუ დავცინებთ და ა.შ.   წავაგებთ? ,,ხუი სნიმ მეორე დღეს ან სხვა დროს მოვიგებთ, უბრალოდ მიულოცეთ მტერს გამარჯვება, ან კარგი ბრძოლა, ან თუნდაც წააგოს, მადლობა უთხარით კარგი ბრძოლისთვის და გაიარეთ. 

მტერი ქვეყნები, უბრალოდ თამაშში არიან, ასევე მტრის ჯარისკაცები მხოლოდ თამაშის გამო არიან ,,მტრის ჯარისკაცები. ეს გახსოვდეთ სულ, სანამ გენიტალიების ფრიალით ირბენთ მის მისაღებ ოთახში. :))))

სულ ეს იყო.

წარმატებები ჩვენს ქვეყანას :*