მოგესალმებით მეგობრებო. 
2 დღეში ვაპირებ კენჭი ვიყარო საპრეზიდენტო არჩევნებზე. 
სიმართლე გითხრათ არ ვაპირებდი წინასაარჩევნო სტატიის დაწერას, რადგან რაც კეთდება ან გაკეთდება ფაქტობრივად ლანგარზე დევს ხოლმე და ინფორმაცია არავისთვისაა მიუწვდომელი, თუ ის დაინტერესებულია მიიღოს ინფორმაცია, მაგრამ ამხანაგი წილოს სტატიამ ,,მაიძულა,, მეც დამეწერა სტატია. მიზეზი მარტივია, ისე ჩამსვა მის სამთავრობო გუნდში აზრიც არ უკითხავს და ბევრს დარჩა შთაბეჭდილება, რომ მე არ ვაპირებდი კენჭისყრას და მას ვუჭერდი მხარს. ამიტომ ვეცდები სიცხადე შემოვიტანო ამ მხრივ, გაცნობოთ რომ თუ წილომ გაიმარჯვა მე არ ვიქნები მისი სამთავრობო გუნდის წევრი, და კენჭს ვიყრი დამოუკიდებლად, საპრეზიდენტო არჩევნებზე. 

მე რასაკვირველია არ მაქვს იმდენი ცოდნა, რომ ეს სტატია ფოტოებით გავამდიდრო და ლამაზი დეკორაციებით შევფუთო, თუმცა მაქვს იმის ცოდნა რომ გაგაცნოთ თუ რისი გაკეთება იგეგმება მომავალში.

თქვენ ალბათ ნახავდით, რამდენიმეჯერ მთავარ გვერდზეც გამოვარდებოდა, რომ 110-ე დღეს ადმინისტრაცია დაამატებს სავარჯიშო მოედნების გაუმჯობესების ფუნქციას და საშუალება გექნებათ მეორე დონიდან მესამე დონეზე გადაყვანოთ სავარჯიშო მოედნები. 
რისთვისაა ეს საჭირო?
ახლა როდესაც ვარჯიშობთ და იმატებთ 10 ძალას, გაუმჯობესების შემდეგ მოგემატებათ 15 ძალა. 
ძალა კიდე ომებში ფრიად მნიშვნელოვანია.
გაუმჯობესება 70 ოქრო ჯდება. 
სულ მალე გამოვა ოქრო ბიუჯეტიდან, რომელიც სესხად გაიცემა იმათზე ვისაც ამ გაუმჯობესებისთვის ოქრო დააკლდება. 
ვიმეორებ, ვისაც დააკლდება.
ეს იმას ნიშნავს, რომ როცა თქვენ გაქვთ 50-60 გოლდი და გინდათ 10-20-ის დამატება, სახელმწიფო დაგეხმარებათ, მაგრამ როდესაც ვიღაცას 90 დღის მანძილზე ფეხი ფეხზე ჰქონდა გადადებული, ოქრო არ აქვს და იტყვის მე 70 ოქრო მასესხეთო, ასეთს სახელმწიფო ვერ დაეხმარება. იმიტომ რომ თუ თქვენ არ ზრუნავთ თქვენს ექაუნთზე და მხოლოდ სხვის იმედზე ხართ, დახმარებას თქვენზე მეტად ის იმსახურებს ვინც იწვალა, იშრომა და რაღაც რაოდენობის ოქრო მოაქუჩა. ბიუჯეტიდან გამოტანილი ოქრო სულაც არაა იმდენი, რომ ყველას გეყოთ. 

ამიტომ პრიორიტეტი პირველ რიგში მიენიჭება იმათ, ვისაც აქვს მაქსიმუმი ძალა (რომ არ დაკარგონ ეს მაქსიმუმი) ასევე მაქსიმუმთან მიახლოებული ძალა.

ამ ეტაპზე ძალის მაქსიმუმი 1016-ია. თუ თქვენ გაქვთ 100-200-300 და ცოტა მეტი ძალა, 110-ე დღეს გააუმჯობესებთ თუ 111-ე დღეს, პა ბალშომუ სულერთია თქვენი აცც-სთვის. ამიტომ, იმ პირებზეც რომელზეც გაიცემა დახმარება, ძალის მიხედვით იქნება ლიმიტი.

ნუ, თუ გავიმარჯვებთ დავჯდებით, ,,დავჩოთქავთ,, ამ დეტალებს და 110-ე დღემდე ცოტა ადრე გეტყვით. 

საქართველოს ეკონომიკა მთლიანად ჯანგოს აქვს ჩაბარებული, ამიტომ ამ მხრივ ახალს ვერაფერს გეტყვით, თუ პრეზიდენტი გავხდები, ეკონომიკას ისევ ის მიხედავს. 
მთავარი ისაა, რომ ჩვენ ბიუჯეტის ფულს არ ვჭამთ, ყველა ოქრო და ლარი ბოლო კაპიკებამდეა დათვლილი, და თუ გამოგვაქვს ხოლმე, ჯიბეში კი არ ვიდებთ, სავალუტო ბაზარზე ტრიალებს, რომ კურსი დავიჭიროთ და ეს გოლდი და ლარი, რეალურად არსებობს, და ისევ ქვეყნის სამსახურშია.

საგარეო ურთიერთობების მხრივ ყველაფერი კარგად გვაქვს, ქვეყანა დაიჭერს ისევ იმ კურსს, რაც აქამდე ჰქონდა, კარგი ურთიერთობები აეგისის წევრებთან, და სხვა რამდენიმე ქვეყანასთან. ჩვენი ქვეყანა აქტიურად იღებს მონაწილეობას ალიანსის მართვაში (მე მაგალითად ჩვენი ალიანსის ჯარების სამხედრო მეთაური ვარ) და კვლავ გააგრძელებს ასე მუშაობას. 

ჩვენს საგარეო ურთიერთობებზე ბევრი ვილაპარაკე ბლექ ფიურისთან ინტერვიუში, რომელიც დაახლოებით 1 კვირის წინ ჩაიწერა, მაგრამ იმდენად მიასავათა მისაღებმა გამოცდებმა, ვერ იცლის რომ გამოაქვეყნოს. (თან სათარგმნია) 

ხშირად ისმის კითხვა, რატომ ვებრძვით რუსეთს, რატომ არ ვშლით რუსეთს, რატომ ვეხმარებით და ა.შ. 
რეალურ სამყაროში რუსეთი რომ ჩვენი მტერია ძალიან კარგად მაქვს შეგნებული, და არ მგონია ვინმეს ჩემზე მეტად გძულდეთ, მაგრამ აქ - თამაშია.
დღეს ჩვენ ამ ქვეყნის დიდი ნაწილი გვაქვს ოკუპირებული (რუსეთის ოკუპანტები ვართ, კარგად ჟღერს ))))  მაგრამ ამავე დროს, ნამდვილად არ მინდა მასთან მტრული დამოკიდებულება გვქონდეს, ამიტომ შეძლებისდაგვარად ვეხმარებით ისინიც განვითარდნენ და თავისი წილი ბონუსები სხვაგან აიღონ. ჩემი აზრით ჯობია რუსეთი არ იყოს ჩვენი მტერი, და ყოველ დღე არ გვქონდეს აჯანყებების და ომების საშიშროება (მესმის რომ დიდი ძალა არ არის, მაგრამ 1 პატარა გუნდა ზვავს იწვევს) და მათთან გვქონდეს მეგობრული, წყნარი და მშვიდი ურთიერთობა. პირველ რიგში ისევ ჩვენი ქვეყნის უსაფრთხოებისთვის.

რაც შეეხება თურქეთს, თურქეთი ცოტა რთული თემაა. ერთ დროს მეგობარმა, ახლა ნეიტრალიტეტი გამოაცხადა, თუმცა ამ ნეიტრალიტედან, აქტიურად გადადის ჩვენს მოწინააღმდეგეთა ბანაკში. როგორ განვითარდება მოვლენები მომავალში ვნახოთ. დღეს და ხვალ მათთან ომს არ ვაპირებთ. რა იქნება ზეგ, ეგ ღმერთმა იცის. რასაკვირველია ამააზზე მმეტტის თქქმა შემიძძლია, მაგრრამ არაა ყველლაფფერრი საჯჯაროდ დასაწწერი. 

საომარ მოქმედებებში აქტიურად ვართ ჩართულები, ამ ეტაპზე ესპანეთს ვეხმარებით პარაგვაის წინააღმდეგ ომში.
თუ თვალს ადევნებდით ბოლო დროინდელ მოვლენებს, თითქმის მთელმა სამხრეთ ამერიკამ ჩვენი ალიანსის წინააღმდეგ დაიწყო ბრძოლა.
ამიტომ, ამ მიმართულებით ვიბრძოლებთ და დავეხმარებით მოკავშირეს, სანამ რამე არ შეიცვლება. 

მინისტრთა კაბინეტს რაც შეეხება. 
ეკონომიკის მინისტრზე უკვე გითხარით.
პრემიერი ისევ მეიბი დარჩება, საგარეო საქმეთა მინისტრი კი ამჟამად საგამოცდო ეიფორიაში მყოფი - ბლექფიური.
რაც შეეხება მოდ-ს და მოე-ს, ეს ვაკანსიები პა ბალშომუ შესავსებია, და თქვენც შეგიძლიათ დამეხმაროთ და ერთად შევარჩიოთ კარგი კანდიდატურა, თუ არჩევნებში გავიმარჯვებ. 

მოსაყოლი ალბათ კიდე ბევრია, ყოველდღიურად ბევრი რამ ხდება, თუმცა ისე ვარ ჩართული ან ყოველდღიურობაში რომ ასეთი ,,პროსტინების,, საწერად ხშირად ვერ ვიცლი. 

სამართლიან არჩევნებს გისურვებთ და წარმატებები ჩემს ოპონენტს. :)